Ислом қоидаларига кўра ҳижоб кийган қизлар ҳақида жамиятда турли хил стереотиплар мавжуд. Диндор қизлар билимсиз ва мақсадлари йўқ деб ўйлайдиган одамлар кўп. Бироқ, сўнгги йилларда бундай нотўғри тушунчалар сони озаймоқда.
⠀
Ислом динида илм олиш ҳар бир мусулмон эркак ва аёл учун фарз бўлиб ҳисобланади. Пайғамбаримиз (соллаллоҳу алейҳи ва саллам) га ваҳий қилинган биринчи оят «Ўқи!» деган сўздан бошланади.
⠀ ⠀
Жорий йилда Қирғизистон бўйича энг яхши битирувчиларининг аввалги ўнталигига 3 нафар ҳижобли муслима қизларимиз кирди.Улар:
⠀
1- Боткен вилояти Кадамжай лицейи битирувчиси Чўлпўн Абдисаҳунова 228 балл тўплади. У Информатика ва ҳисобловчи техник факультетини танлади. Чўлпўннинг айтишича, унинг ахборот технологияларига қизиқиши болалигиданоқ пайдо бўлиб келган.
2- Ўш вилоятидаги А. Парпиев номли мактаб-гимназия битирувчиси Айзат Тўпчубаева 226 балл тўплаган ва Қирғизистон Давлат тиббиёт академиясини танлади.
⠀
3- Бишкекдаги “Давҳа” мактаб комплекси битирувчиси Фотима Журобаева 225 балл тўплади. У амалий математика ва информатика йўналиши бўйича Информатика ва муҳандислик факултетини танлади.
Эслатиб ўтамиз, Қирғизистонда 2019-2020 ўқув йилида умумий республика имтиҳонида 43245 ўқувчи қатнашди, шундан 53 битирувчи энг юқори балл ва олтин сертификатларга эга бўлди.